TEMBANG GERILYA

TEMBANG GERILYA

Anggitanipun WS. Rendra

Sira Ngumbara sangsaya adoh, kekasihku

Sira siram cahyaning surya

ing kene aku nyawang sliramu

nyengkelang senjata, kanthi gendera pusaka

Antarane wit-wit pisang padesan kang kebak lebu

Slendhang katun kokgubedake aneng sirahmu

Sira banjur njilma kaendahan

sawetara saka kadohan

bregada teng penjajah gemrudug sangsaya seru

Wengi lelangen cahyaning bagaskara

wernane semu ijo ngrungkebi palagan kebak mawa

Sajroning udan tembakan mortir, kekasihku,

sira dadi lembayung agung kang nrenyuhake kalbu

“Aku kentekan peluru

lan ludira muncrat sakeng jajaku”

Mula ing wektu mangkono iku

Sira nembangake lelagon perjuwangan

Bebarengan karo embah-embahku kang wis pralaya

Sajroning lelabuh mbela rakyat kang cintraka

                                                                                 

2 September 1977, Jakarta.

(geguritan jarwan mardika dening Soekoso DM saka puisi aserirah ‘Lagu

Seorang Gerilya’, kamot ing antologi Potret Pembangunan Dalam Puisi, 1980)

/ materi lomba geguritan